Mae treulio amser mewn coetir wedi'i brofi i leihau cyfradd y galon a phwysau gwaed, lleihau'r hormon straen a gynhyrchir, rhoi hwb i'r system imiwnedd a gwella teimladau o lesiant yn gyffredinol. Mae cemegyn sy'n cael ei ryddhau gan goed a phlanhigion, o'r enw ffytoncidau, yn rhoi hwb naturiol i'r system imiwnedd. Mae astudiaethau cadarn a helaeth yn awgrymu bod cyswllt pendant rhwng treulio amser yn yr awyr agored a llesiant corfforol a meddyliol gwell.
Gan gydnabod y buddion sydd i'w cael wrth dreulio amser mewn coetir, ymgorfforodd llywodraeth Japan 'Ymlacio yn y Goedwig' yn ei rhaglen iechyd y cyhoedd 30 mlynedd yn ôl. Heddiw, mae llywodraeth Prydain a'r GIG yn dechrau cydnabod nodweddion holistig buddiol y byd natur ac yn hyrwyddo ei ddefnydd mewn cymunedau.
Mae ein prosiectau Coed Lleol ledled Cymru, a'n prosiect Build a Bench yn Swydd Amwythig wedi'u dylunio i weithio mewn harmoni â'r buddion naturiol i'n cyrff sy'n cael eu cynnig gan fyd natur.
Yn ogystal, credwn fod ein rhyngweithiadau â bodau dynol eraill yn hanfodol i'n llesiant. Dyma pam ein bod yn cynnal sesiynau i grwpiau sy'n canolbwyntio ar weithgareddau natur mewn coetiroedd. Rydym wedi dylunio pob sesiwn i ddatblygu hunanhyder, hunan-barch a rhyngweithiad cymdeithasol.
Rydym yn cynnig cyfleoedd i roi cynnig ar sgiliau newydd a dysgu rhai newydd, megis:
Dewch o hyd i sesiwn mewn coetir yn lleol i chi yng Nghymru.
Rhagor o wybodaeth ynghylch y prosiect Build a Bench yn Swydd Amwythig
