Coed Lleol (Small Woods Wales) yw enw’r Gymdeithas Coedwigoedd Bychain (Small Woods Association) yng Nghymru. Rydym yn helpu i wella iechyd a lles pobl ledled Cymru drwy weithgareddau yn ymwneud â choetiroedd a natur.
Darllenwch am ein prosiectau isod neu gallwch ddefnyddio’r map i chwilio am brosiectau sy’n cael eu cynnal yn eich ardal chi.
Cliciwch yma i gadw lle i chi’ch hun, neu rywun arall, ar sesiwn.
Mae’r Gymdeithas Coedwigoedd Bychain yn rhoi cymorth i berchnogion coetiroedd ar draws y DU. Am fwy o wybodaeth, ewch ar: www.smallwoods.org.uk
Astudiaeth Dichonolrwydd - Ysbyty Cymunedol a Chanolfan Llesiant Bro Ddyfi Machynlleth
: Powys
Prosiect astudiaeth dichonolrwydd sy’n gofyn - ‘Sut all yr ysbyty cymunedol a chanolfan llesiant newydd ym Machynlleth hybu gweithgareddau awyr agored er budd iechyd a llesiant staff, cleifion, a’r gymuned leol, ochr yn ochr â gofal clinigol y ganolfan?’
Prosiect Adfer Mawndiroedd
Mae’r Prosiect Adfer Mawndiroedd yn adfer ardaloedd o fawndir hanesyddol rhwng Castell-nedd Port Talbot a Rhondda Cynon Taf, yn creu cynefin ar gyfer rhywogaethau prin sy’n diflannu fel llygod y dŵr a’r ehedydd. Mae’n canolbwyntio ar bron i 6700 hectar o dirlun, yn cynnig cyfleoedd newydd i bobl ddarganfod y cyfoeth o dreftadaeth naturiol a diwylliannol mae'r ardal yn ei chynnig.
Presgripsiynu Cymdeithasol yn y Coetir: Prosiect Llesiant Coetir i Blant a Phobl Ifanc – Abertawe a Chastell-nedd Port Talbot
Cefnogi plant a phobl ifanc ledled Abertawe a Chastell-nedd Port Talbot sydd naill ai yn cael trafferth gydag addysg prif lif, neu nad ydynt yn rhan o addysg prif lif, er mwyn iddynt gael profiad o ddysgu a datblygiad personol yn yr awyr agored.
Cronfa Trydydd Sector – Castell-nedd Port Talbot
Wedi’i ariannu gan CVS, dyma brosiect bach er mwyn cefnogi oedolion ledled Castell-nedd Port Talbot i ymgysylltu â gweithgareddau coetir er mwyn hybu gwelliannau i’w hiechyd a’u llesiant.
Chwalu Rhwystrau – Abertawe
Ariennir y prosiect hwn gan Gronfa Treftadaeth y Loteri er mwyn cynorthwyo oedolion a theuluoedd o gefndiroedd amlddiwylliannol ledled Abertawe i brofi sgiliau newydd yn yr awyr agored a’n helpu i ddysgu am eu cefndiroedd a’u diwylliannau gwahanol sy’n ein galluogi i gefnogi eu hanghenion unigol.
Cysylltu Pobl, Natur a Lleoedd ar Ynys Môn
Bydd yn gwneud hyn trwy sefydlu a datblygu safleoedd awyr agored hygyrch, trwy gynyddu sgiliau a gweithgareddau dysgu a thrwy wella coetiroedd a gwybodaeth am yr amgylchedd lleol ar Ynys Môn.
Cysylltu Pobl, Natur a Lleoedd drwy Sgiliau a Hyfforddiant yng Nghastell-nedd Port Talbot
Bydd y prosiect yn cynnig ystod gyffrous o raglenni 6 wythnos, sesiynau untro, digwyddiadau gwirfoddoli a gwelliannau i goetiroedd er mwyn cefnogi iechyd a llesiant ym myd natur, gan roi darpariaeth i ddysgu nifer o sgiliau ‘gwyrdd’ ac ymgysylltu cymunedau mewn meysydd gwirfoddoli seiliedig ar natur ac isadeiledd coetiroedd.
Cysylltu Pobl, Natur a Lleoedd drwy Sgiliau a Hyfforddiant yng Sir Benfro
Bydd ystod eang o brosiectau 6 wythnos, sesiynau blasu untro a chyfleoedd gwirfoddoli, yn ogystal â gwelliannau i goetiroedd ar safleoedd a dargedir.
‘Hwb Iechyd Gwyrdd’ Cynefin - Sir Gaerfryddin
Byddwn yn cyflwyno ystod eang o raglenni 6 wythnos a gweithgareddau untro i bobl leol yn Sir Gaerfyrddin gael mynediad atynt a dysgu sut all rhyfeddodau byd natur gefnogi iechyd a llesiant
