Rheoli Coetiroedd yn Gynaliadwy AIM Lefel 3

Cewch ddysgu am hanfodion sylfaenol ac eang cynhyrchu coetiroedd sy’n gynaliadwy yn amgylcheddol, yn gymdeithasol ac yn economaidd. Cewch brofiad ymarferol a chyfle i drafod datrysiadau i arferion rheolaethol gyda phobl broffesiynol a chyfoedion.

Cyflwynir y cwrs hwn, dros dri diwrnod, gan bobl broffesiynol sy’n brofiadol a brwd. Mae’n ddelfrydol i unrhyw un sydd â diddordeb mewn coetiroedd neu goedwigaeth, neu sydd eisoes yn gweithio yn y maes. Byddai’n dda cael gwybodaeth flaenorol o natur ac/neu goetiroedd.

Os yw’r gost yn rhy fawr, hoffem glywed gennych chi, cysylltwch â: [email protected]

Mae modd talu mewn rhandaliadau am y cwrs hwn. Os gwelwch yn dda ffoniwch ein swyddfa i drafod: 01952 432769.

Dyddiadau: I'w drefnu

Lleoliad: Canolfan Sgiliau Coetir, LL16 4DT

Pris: £450

Cyfleusterau: Darperir lluniaeth, offer a chyfarpar diogelwch. Mae modd gwersylla am £10 y noson ble cewch gegin, toiled, cawod ac ystafell gyfarfod gynnes.

Bydd y cwrs amrywiol hwn dros dri diwrnod yn edrych ar hanfodion sut i reoli coetiroedd mewn ffyrdd sy’n gynaliadwy yn amgylcheddol, yn economaidd ac yn gymdeithasol. Cyfle dysgu rhyngweithiol gyda gwaith trafod a gweithgareddau ymarferol i’ch cyflwyno i amrywiaeth o goetiroedd, sgiliau a dulliau rheoli.

Cynnwys y cwrs

Egwyddorion cynaliadwyedd a gwytnwch coetiroedd.

Mathau/categorïau o goetiroedd yn y DU.

Strwythur ffisegol coetiroedd.

Goblygiadau cyfreithiol rheoli coetiroedd (a rhai ffynonellau grantiau) sy’n briodol i Gymru.

Effaith plâu ac afiechydon

Sut i ddatblygu amcanion clir ar gyfer rheoli coetiroedd.

Ffyrdd o reoli coetiroedd a’r prif systemau coedamaeth.

Dulliau dewis, cynaeafu ac echdynnu coed (drwy addysgu/asesu ymarferol).

Trawsnewid coed a chynhyrchion posibl o goetiroedd sy’n cael eu rheoli’n gynaliadwy (drwy addysgu/asesu ymarferol).

Achrediad:  Lefel 3 efo AIM, yn ddibynnol ar gyflwyno llyfr gwaith cwrs ac asesiad maes cyflawn.

I archebu, ffoniwch 01952 432769 neu e-bostiwch [email protected]