Mae ein map rhyngweithiol yn ganllaw manwl i’r coetiroedd cyhoeddus a’r rhai preifat rydym wedi gweithio ynddynt ledled Cymru. Mae’r safleoedd hyn yn agos at galonnau pobl ac wedi bod o fudd mewn amryw o ffyrdd i bawb sydd wedi eu defnyddio.
Rhowch gynnig ar yr amrywiaeth cyffrous o weithgareddau coetir sydd ar gael yn eich ardal chi, canfyddwch lecyn newydd i fwynhau byd natur neu ewch ati i gynllunio eich sesiwn eich hun!
Mae’r map yn un hawdd ei ddefnyddio, sgroliwch trwyddo a chliciwch ar symbol coeden i ddatgelu lleoliad unrhyw safle , y math o weithgareddau y gellir eu cynnal neu sydd wedi eu cynnal yno, a’r adnoddau sydd ar gael. Wrth i chi edrych yn agosach, bydd unrhyw doiledau, arosfannau bysiau neu orsafoedd rheilffordd i’w gweld hefyd.
Rydym yn awyddus i ehangu’r map hwn i gynnwys coetiroedd eraill sy’n addas ar gyfer gweithgareddau iechyd a lles neu weithgareddau cymunedol. Os ydych chi’n awyddus i gynnwys eich safle chi ac i ymuno â’n rhwydwaith wrth iddo dyfu, cysylltwch â’n Tîm Coetiroedd [email protected] a byddant yn anelu at gynnal asesiad coetir gyda chi.
Nid yw’r coetiroedd a nodir ar y map hwn yn darparu unrhyw warant bod y safleoedd yn addas ar gyfer gweithgareddau lles mewn coetiroedd. Mae angen sicrhau caniatâd gan berchennog y coetir cyn trefnu unrhyw weithgaredd a rhaid i ddarparwyr gweithgareddau gynnal eu gwiriadau diwydrwydd dyladwy eu hunain. I gael rhagor o wybodaeth, cysylltwch â’n Cydlynwyr Rhanbarthol Coedwigaeth Gymdeithasol a Lles:
Gogledd Cymru – [email protected]
Canolbarth a Gorllewin Cymru - [email protected]
De Cymru - [email protected]
Neu gallwch bori trwy wefan y coetir penodol trwy ddilyn y ddolen o’r ffenestr naid gysylltiedig.
